"Cewang di langik tando ka paneh, gabak di ulu tando ka ujan."
Apokah alam sadang mambari sinyal kapaado umat manusiaknyo? Atau iko hanyo sabuah siklus musimanbiaso di tangah nagari nan lueh iko?
Pado kutiko mataharinyo indak baragiah tarang sarupo biasa, anginpun mulai babisiak mambaok kaba. Badan Meteorologi, Klimatologi, dan Geofisika (BMKG) baru saja malatakan sabuah peringatan pantiang untuak masyarakaik luas. Pado ari iko, sabanyak tigo puluah lapan wilayah di barbagai penjuru Indonesia diprediksi bakal manghadapiancaman cuaca ekstrim, dicaliak dari potensi turunnyo hujan dengan intensitas sedang hingga lebat.
Kajadian iko mambuek banyak urang tapikia, baa caro masyarakaik di daerah-daerah tasabuik mampasiapkan diri dalam manghadapiancaman bancano nan bisa saja tajaik sakijok mato. Dari ujung pulau sumatera inggo tanah Papua, awan hitam tlah manggantuang mambok kaba basah. Wilayah-wilayah tasabuik kinilah nan manjadi pusat paratian pamarentah satempat supayo indak talengah dek aie nan ka turun dari langik.
Analisis cuaca iko mambuktikan baso alam mamiliki kurenahnyo surang. Untuak masyarakaik nan tingga di sakitar batang aia atau di lereng-lereng bukik, ingek-ingeklah jo sagalo kamungkinan. Tau dek dahan ka maimpok, tau dek rantiang ka mancucuak, baitu paratiran urang tuo daolu supayo kito salalu waspada.
Ancaman hujan labek ko indak buliah dipandang sabalah mato. Kesiapan pamarentah jo masyarakaik satempat manjadi kunci utamo untuak manghindari kurban jiwa sarato karugian material nan labiah gadang. Mari salalu mambaco tanda-tanda alam supayo kito tatingga jao dari sagalo marabahaya.
Anak duri di tangah rimbo,
Batu belah di tapi koto,
Hujan turun mambaok ibo,
Salmatkan diri jo elok rato.