"Cewang di langik tando ka paneh, gabak di ulu tando ka ujan." Apokah sagalo barisan baringin di tangah koto ko nyo mambana sarato maagieh umbuak umbai ka masyarakaiknyo, atau iko hanyo parangai duniak nan masiang-masiang manjago paheknyo surang?
Dunia ko sadang barubah capek bana, sarupo aie mambanjiri batang aia di musim ujan, mambaok sagalo kurenah pambangih dari nagari-nagari gadang nan ka mambuek pagar tinggiuntuak mamanangan kapentingan inyo surang-surang.
Dari barita harian nan dicaliak, duniak kian gencar mambentengi kedaulatan masiang-masiang. Di nagari Amrik, Donald Trump mangancam sanksi pajak barek ka raksasa teknologi nan nekad mambangun pusek data intelejensi buatan (AI) di lua nagari. Sadonyo infrastruktur AI musti tatap barado di dalam nagari untuak mangamankan kapentingan nasional. Salain tu, di daratan Eropa, Estonia mamiliah manutuik parbatasan daraik jo Rusia pasca-sarangan infrastruktur, nan mamicu baliak gaya 'Tirai Besi' daulu. Sadangkan di tanah Palestina, Israel dituduh mamperluas milisi proksi lokal untuak mambelah benteng ketahanaan internal. Indak hanyo di situ, di pasa domestik Indonesia surang, Green SM Bike takaso angkat kaki hanyo dalam wakatu duo bulan dek karano ketaikannyo regulasi jo basaing ketat jo lokal.
Dunia sadang bageser capek manuju era proteksionisme ketat — baiak malalui barikade teknologi strategis, pambatasan parbatasan fisik, maupun dominasi pasa lokal nan mambuek banyak pihak taseso jo tatingga di balakang. Kiro-kiro baitu lah kurenah duniak kini.
Ancang-ancang kapal di lautan,
Singgah sabanta di pasisia.
Proteksionisme mambuek batasan,
Asa nagari salamaik sentosa.