"Tau dek dahan ka maimpok, tahu dek rantiang ka mancucuak." Apokah urang nan mambuek duto mati ko sadar baso bangkai nan dipabuek akhirnyo ka bau juo di tangah padang?
Bayangkan, kutiko koum marabiek jo aie mato mambaco barito kadukaan, tibo-tibo urang nan disangka alah mambujur di liang lapeknyo malah Tagak mandapek pitih puluhan juta rupiah. Iko indak sakadar duto biaso, tapi barito pamberitaan nan mamparmainkan kamanusiaan demi salembar karateh merah.
Kajadian iko balaku di nagari Thailand, di mano saurang selebgram mamiliah caro licik untuak marauik pitih haram. Inyo mambuek kajadian pambohonganpublik dengan caro basandiwara lah mangkat. Indak Tangguang-tangguang, inyo mambuka galangan dana jo alasan untuak biaya pamakaman dirinyo surang, samantaro inyo surang indak mangalami apo-apo. Pitih nan takumpua mancapai sabanyak duo puluh juta rupiah. Masyarakaik nan ibo jo tagaknyo raso Kamanusiaan, sarantak maagiah sumbangan untuak mambantu. Namun, sadonyo itu hanyalah tipuan belaka untuak mamanfaaikkan kebaikan hati urang.
Sajak kajadian iko tabongkar, banyak urang nan tabulalak sarantak tabik suga. Baitu pantiangnyo Kasiagaik dalam manghadapi barito zaman kiniko, supayo indak mudah takicuah dek ubuak-umbai mansiang. Sabagai jurnalis nan krisis, kito caliak baso media sosial sangaik mudah diputa-putar dek kurenah manih nan baisi racun.
Anak pisang mambaok ladi
Tumbuh rumpun di tapian
Urang licik mancari rajoki
Akhirnyo kanai panghukuman