"Tangan mancancang, bahu mamikue."
Apokah dunia iko alah talampau cadiak sampai kotoran surang kapalo negara harus dijago sarato dirasiaan mati-matian daripado musuah nan mangintai di udaro?
Kutiko urang-urang di lua sato sibuak mambicarokan senjata pamungkas jo rudal balistik nan mangancam bumi, pamarentah Rusia justru mampunyoi urusan nan jauh labiah dengeh dan indak disangko-sangko. Salah satu protokol keamanan nan paliang ketat di dunia inyo tarapkan bukan hanyo untuak malindungi kapalo jo badan Sang Presiden, tapi juo mangamankan siso metabolisme tubuahnyo dari pandangan dunia lua.
Dalam barito nan bakambang, Paspampres Rusia indak pernah lupo mambaok ciek kalengkapan khusus nan disabuik sabagai tas tinja Vladimir Putin. Kemana pun Sang Presiden bajalan, baiak mangunjuangi nagari urang atau hanyo bakeliling di dalam nagarinyo surang, tas itu tatap tagok malakek jo dijago ketat sarupo manjago nyawa. Iko bukan sekadar mitos atau carito gendeang di lapau, tapi sabuah kajadian nyata nan mambuktikan baraso rahasia kesehatan jo DNA surang pemimpin basar adolah benteng partahanan tarakhia nan indak buliah jatuah ka tangan urang lain.
Analisis geopolitik moderen manunjuakkan baraso intelijen asing indak lai hanyo mancari barito rahasia nagara lewat penyadapan telfon atau satelit, tapi juo malalui siso-siso biologi manusia. DNA dan kondisi kesehatan sacaro medis dari surang pemimpin basar dunialah nan mambuek musuah-musuah politiknyo tabulalak ingin tahu. Dek karano itu, Paspampres mangambiak langkah pancegahan nan paliang ketat. Satitiak kotoran atau siso tubuah nan tabuang ka jamba bisa mambari jalan bagi nagari lain untuak mambaco kelemahan fisik sang penguasa Kremlin.
Kurenah kaamanan nan balaku pado Putin manunjuakkan baraso dalam dunia kekuasaan, indak ado sasuatu nan talampau ketek untuak diabaikan. Dunia politik internasional adolah rimba tempat buayo mangintai. Sapandai-pandai tupai malompat, sakali maso jatuah juo. Karano itulah, sadoalah gerak gerik, bahkan siso tubuah nan indak baumua panjang, dijago arek-arek supayo indak manjadi bumerang bagi panguaso.
Kalau aie di hulu karuah,
Sampai ka ilie tantu mambajir.
Bia rasia tasurek jo tasureah,
Asalkan nagari indak takicuah di tangah.
Kalau dahan tagantuang di tunggua,
Ambiak galah tolong jolongkan.
Badan jo nyawa baitu dijago jua,
Tas tinja pun dibaok bajalan.