"Tangan mancancang, bahu mamikue."
Apokah basar seragam nan malakek di badan mambuek surang aparat bisa lupo jo sumpah jo janji suci untuak malinduang masyarakaik, atau adoh silau harato haram nan mambutaokan mato?
Kutiko palanta-palanta di nagari rami mambicarokan barito tagak badirinya putusan hukum, saurang laking nan daulunyo mampunyoikuaso padek di korps bhayangkara kini hanyo bisa tunduk baselo manarimo nasib. AKP Malaungi, mantan Kepala Satuan Narkoba Polres Bima Kota, akhiri duduaknyo di kursi pesakitan jo kapalo tunduk. Majelis hakim mamicul putusan barek: duo puluah tahun lamanyo inyo harus manghabisan umua di dalam lamboknyo terali Basi, sarato denda sagadang limo ratuih juta rupiah.
Pamariksaan di pangadilan mambukak tabir kurenah nan indak patuik dicontoh oleh saurang panegak hukum. Alih-alih mambarantas barang jahanam nan marusak generasi mudo, tangan nan samaso-maso mamiliki wewenang tu justru dituding mamiliki carocok jo dunia hitam peredaran narkotika. Tuntutan awal Jaksa Penuntut Umum sabana mantiak, manuntut hukuman kurungan seumur hiduik. Namun, putusan akhia mahukumnyo duo puluah tahun penjara.
Kajadian iko mambari tampaik mardeka bagi kasadaran urang banyak, baso siapo sajo nan maminum aie beracun kekuasaan jo mangkhianati Amanah, mako azab johukum indak ka pernah talambek maminang.
Kok indak amuah kanai damam,
Elok-elok mamakai kain.
Kok indak amuah mandapek kalam,
Jauhi narkoba sarto nan lain.