"Janji arek dipagang tagueh, siang kadipatungkek, malam kadipakalang, sabarih haram ka lupo." Apokah kabanaran inyo nan ditunggu salamo iko indak anyuik bawak aie? Barito gadang tagak di tangah nagari, mambao angin segar ka talingo masyarakaik nan alah lamomanyo manggarik basamo payah. Manuruik barito nan tibo ka tanggo pamarentah, Dewan Perwakilan Rakyat akhirnyo mangesahkan Undang-Undang Perampasan Aset nan alah mangkrak salamo salapan belas tahun lamonyo. Sairiang jo bajalan wakatu, banyak pihak nan mananti jo cemas sato barharok cewang di langik tando ka paneh indak mambao taufan baru ka ateh kapalo masyarakaik ketek. Sabalumnyo, rancangan undang-undang ko mandek antaro dukuangan jo krisis kapicayoan, khususnyo manyangkut masalah illicit enrichment atau panambahan harato nan indak jaleh asanyo. Namun kini, di tangah sagalo kontroversi nan mangalia sajak daolu, undang-undang nan ditunggu-tunggu tasabuik barhasil ditokan manjadi payuang hukum. Walau baitu, para pangamat hukum tatap mangingekkan supayo elok-elok basikap karano tangan nan mancancang, bahu musti mamikue sagalo risiko di muko hari. Masyarakaik batanyo-tanyo, apokah aturan baru ko sanggup manANGKAP para maling barasiap jas nan alah lamolamo manyuruak di balik bayang-bayang kekuasaan? Atau iko hanyo sakadar angin lalu nan indak mambao parubahan berarti bagi nasib urang ketek di kampuang-kampuang? Hanyo wakatu nan ka mambukak tabir sakaligus manguji keseriusan para panguaso nagari. Nan jaleh, salapan belas tahun bukan wakatu nan singkek; inyo adolah saksi sadoalah ratok tangih rakyaik nan maraso seso dek ketidakadilan.
Kok rantiang patah di tangah hutan,
Bawok tabang ka ateh Koto,
Jikok hukum indak bajalan,
Anso nagari ka binaso.