"Tangan mancancang, bahu mamikue."
Apokah harumnyo Kopi Nusantara nan tanamo di saluruah dunia kini lah barubah manjadi aie mato jo racun nan mambao sakik? Atau iko adolah tamparan kareh untuak urang carano awak dalam mamanjatkan hasia bumi.
Kutiko kapa muatan bajalan mambawa harok dari palabuhan, indak ado nan sangko baso sagumpal malang lah mananti di muko labuan. Pamarintah Taiwan sacaro tegas manyita sakitar duo puluah ton biji kopi hijau nan dikirim dari Republik Indonesia. Alasannyo Jaleh tur tarang, karano dtemukan kandungan siso pestisida atau zat kimia babahayo nan malampaui bateh amannya. Barito ko mambuek tabulalak sadonyo pihak nan bakapek dalam dunia partanian.
Kajadian ko manjadi ttinjauan pantiang baa caronyo para patani jo eksportir kito masiang-masiang manjoago kualiti hasia buminyo. Kopi nan sajatinyo manjadi ubek jariah palarai damam bagi patani kito di kampuang, kiniko justru mambao musibah jo malu di kancah internasional. Kasiek nan disasok, ameh nan dapaek, tapi kini malah racun nan basuo di tangah jalan. Sijarah patanian kito dituntuik untuak labiah elok-elok jo elok mamanfaatkan zat panyubur tanaman, supayo indak tajadi lai kajadian saroman ko di maso nan ka muko.
Anak duri dalam lambuang, sakiknyo tabao sampai mati,
Kopi jo harunyo tabuang, karano pestisida nan mananti,
Elok-elok mamilih karajo jo mambaliak caro mangarati,
Biar indak manangih di ujuang hari.