"Cewang di langik tando ka paneh, gabak di ulu tando ka ujan."
Apokah dunia nan kito pacik ko sajo lai di tampeknyo, atau sadang runtuah pelan-pelan dari kursi kakuasoan sampai kafondasikapicayoan global?
Dunia sadang barubah jo caro nan indak disangko-sangko, mambaok barbagai parubahan gadang nan mangoyak-ngoyak tatanan lamo. Di belahan Amerika Latin, Amerika Serikat mambaiki hubuangannyo baliak jo Venezuela mambuek kasapakatan patahanan, manandoi barakhianyo maso ketegangan nan sangaik ekstrim di daerah tu. Tapi di sisi lain, tamparan kareh tibo untuak sistem kasehatan Amerika Serikat sasudah 26 tahun indak lai bebas campak, manampakkan ado retak di kapicayoan publik.
Pado maso nan samo, katarbukaan jo kejujuran pamarentah diuji. Menteri Perdagangan Amerika Serikat taseret ka meja penyelidikan parlemen karano dicurigai ado konflik kapentingan dalam skandal Nvidia. Dek karano kurenah itulah, institusi-institusi gadang di dunia ko marasoan guncangan legitimasi nan indak baranti-ranti. Indak hanyo di lua nagari, di dalam negeri surang, teka-teki kursi Wakil Presiden pangganti Gibran masih takunci rapek di baliak pintu tatutuik istana, manimbulkan barbagai macam carito di tangah masyarakaik.
Parubahan indak hanyo tajadi pado kakuasoan politik, tapi juga pado peta identitas dunia. Proyeksi demografi manunjuakan baso umat Islam ka manjadi kalompok agamo tasebalia di dunia pado taun 2035. Sadonyo kajadian ko mambukak mato kito baso dunia sadang baraliah ka maso depan nan mamaso sadoalah pihak untuak bapikia ulang tantang identitas jo kakuasoan.
Kok bajalan basuo jo duri,
Elok-elok mamijak tanah.
Dunia barubah indak bakanduri,
Siapokan Hati manghadapi manah.