"Baringin di tangah koto, ureknyo tampek baselo. Batangnyo tampek basanda, daunnyo tampek balinduang."
Apokah iko hanyo sakadar jabadan di tingkek internasional, atau sabuah patando baso nagari kita lah masiang-masiang mambaok martabat luhur ka panggung dunia?
Kutiko dunia internasional tabulalak mancaliak kurenah budayo nusantara, Indonesia indak lai hanyo dipandang sabalah mato. Barito baru-baru ko mambao kaba gembira nan maagiah bungo-bungo harapan bagi masyarakaik Indonesia. Kementerian Kebudayaan Republik Indonesia sacaro rasmi tapiliah manjadi salah satu katua basamountuak Global Forum for Cultural Businesses and Creative Arts (GFCBCA) bagi periode 2027-2028. Kajadian ko mambuktikan baso kanyataan indak salamo ratok, tapi ado maso di mano usaho nan panjang mambawa hasil nan manjadi kebanggaan basamo.
Pilsafat iduik urang minang mangatoan baso indak adoasok kalua kalau indak ado api. Tapiliahnyo Indonesia manjadi katua basamo GFCBCA iko indak tajadi baitu saja. Iko adolah buah dari karajo kareh, diplomasi budayo, sarato kawajiban pamarentah jo masyarakaik dalam mamaliaro warisan leluhur. Di tangah parubahan jaman nan talampau capek, di mano banyak nagari mulai kehilangan Jati dirinyo, Indonesia justru tampil manjadi tiang sandaran bagi nagari-nagari lain dalam mangarajoan pangembangan ekonomi kreatif berbasis budayo.
Namun, jabadan basar ko bukanlah hanyo sakadar Sanjuang-sanjuang atau alek gadang nan mamuaskan hati. Saparti nan dipesankan dek nenek moyang kita daolu, tangan mancancang bahu mamikue. Tanggung jawek nan dipikue dek Kementerian Kebudayaan tontu makin barek. Periode 2027-2028 mananti jo sagalo macam tantangan global. Dunia kativitas seni jo bisnis budayo indak hanyo manuntut keindahan, tapi juo ketahanan ekonomi jo inovasi nan berkelanjutan.
Kita di dalam nagari tontu berharap, kapemimpinan Indonesia di kancah internasional ko indak hanyo manjadi cewang di langik tando ka paneh, nan hanyoindah dipandang tapi indak mambaok ujan atau manfaaiknyata ka bawah. Mandapek jabadan basar harusnyo mamacu sumangaik para seniman, budayawan, jo pelaku ekonomi kreatif di sado penjuru nusantara untuak taruih Berkarya. Jangan sampai di tingkek dunia kita dipuji, tapi di kampuang halaman surang kriya jo seni tradisi mati di ujuang tanduak.
Sajak daolu, niniak mamak kita lah masiang-masiang mangingekan supayo kito indak talena jo pujian. Sabagaimana pepatah manyatoan, duduak samo randah, tagak samo tenggih. Indonesia kini barado di jajaran muko, mambimbiang langkah-langkah global dalam mangarajoan kabijakan budayo. Mari kito duoan sarato kawal kapemimpinan ko supayo mambaok barakah nan luweh, indak hanyo untuak Indonesia, tapi untuak kasajahteraan umat manusia di saluruah dunia.
Anak duri di dalam rumpuik,
Taranduk kaki dek nan lamo,
Budayo nagari indak bakipek ruput,
Mangkonyo tinggi di mato dunio.