"Ka ilie sarantak galah, ka mudiek sarangkuah dayuang."
Apokah giliangan zaman sadang mambaok Asia Tenggara ka pado jurang ketidakpastian, atau iko hanyo parmulaan dari carito bareseko tentangkuaso nagara-nagara gadang?
Kutiko Konferensi Tingkat Tinggi (KTT) ka-49 ASEAN disalanggarakan di Manila, Filipina, mato dunia tabulalak ka pado bagaimano arah maso muko banua iko ka dibao. Di tangah galombang globalisasi nan indak basinggah, Indonesia tampil mambaok visi strategis nan manjadi tumpuan harapan. Sabagai nagara gadang di kawasan, langkah pamarentah Indonesia di KTT ASEAN indak hanyo manjadi panyambuang lidah rakyatnyo surang, tapi manjadi kemudi pantiang untuak manjago kasaimbangan kapal nan sadang Badarai di tangah lautan lepeh.
Dalam patemuan tingkat tinggi tasabuik, delegasi Indonesia mampunyoi paranan nan sangat strategis dalam manavigasi ketahanan global. Kurenah politik luar negeri nan bebas aktif manjadi landasan pantiang. Kutiko nagara-nagara adikuaso saling berebut pengaruh di Asia Tenggara, Indonesia batingkah sabagai panengah nan mambao kesejukan. Visi nan dibawoknyo mancatat baso katahanan ekonomi jo pertahanan keamanan indak buliah hanyo dinikmati dek segelintir pihak, tapi harus dirasokan sacaro basamo oleh saluruah masyarakaik ASEAN. Analisis mandalam manunjuakkan baso tantangan global kini ko indak Cuma masalah krisis ekonomi atau parang dagang, tapi juo masalah baa caro sato mangawal kedaulatan masiang-masiang nagara di tangah guncangan internasional.
Sadang badarai ombak di lautan,
Sampan baraliah ka tompat bateduh;
Indonesia mambaok visi masiang-masiang,an,
Mugo nagara salalu aman jo taguah.