"Tangan mancancang, bahu mamikue." Parato lamo ko saketek indak barubah maknonyo, manjadi cmin buek sadoalah urang nan mamiliki kuaso tapi sakaligus marusak amanah nan dipikue di ateh pundaknyo.
Apokah jabatan nan tinggi sarato seragam nan gagah baitu murah untuang digadai hanyo dek kurenah nista nan mambuek muko tabulalak kapa?
Kutiko hukum tagak jo surek kaputusan, barito mengejutkan datan daripado Kota Batu nan mambuek masyarakaik takajuik mandanganyo. Polres Batu sacaro rasmi maningkekan status hukum kasus parzinaan nan malibatkan saurang Kasat Reskrim, IGA, basamo saurang Kapalo Desa, AE, naiak ka tahapan penyidikan. Kajadian nan marusak sendi-sendi moral pamarentahan jo aparat penegak hukum ko muncuik katiko duo urang badada aie tu taciduk di dalam kamar sapanjang malam. Namun, dalam proses pameriksaan nan Berjalan, sang Kapalo Desa AE dikabakan masiang mangkie alias alun hadir untuang mamanuhi panggia pihak bakwajib.
Kajadian ko mambuktikan baso indak ado kasaik nan indak bataruih, baitu pulo jo bangkai nan indak salaamo lamo ka talinduang. Sabagai saurang aparat panegak hukum nan saharusnyo manjadi pangayom, IGA samestinyo manjadi tumpuan jo palinduang masyarakaik. Baitu pulo jo AE sabagai Kapalo Desa, nan dipacayo dek warga kampuang untuang mambaok kasajahteraan, malah marusak garik langkahnyo surang. Tindakan marusak janji jo martabat nagari ko mambuek urang basobok manyarengeh, indak picayo jo apo nan tajadi di dakek panggawasa.
Kini, padusi jo laki-laki nan maabaikan adaik basandi syarak tu harus basiap manarimo akibat daripado perbuatannyo. Penyidikan nan bajalan di Polres Batu manjadi ujuang tombak untuang mambuktikan baso hukum indak pandang bulu, indak peduli sapangkek apo pun bintang di bahu. Kasus ko manjadi pangingat pado kito sadoalah, baso martabat indak dapek dibali jo harato, malainkan dijago jo kurenah nan elok.
Kok bajalan elok-elok di koto,
Jangan tabulik di semak duri.
Barangsiapo marusak tatanan koto,
Siap-siaplah mangkuang hukuik mandiri.