"Cewang di langik tando ka paneh, gabak di ulu tando ka ujan.
Apokah suaro Republik Indonesia di panggung dunia internasional ka mambaok barkah, atau hanyo manjadi angin lalu nan mambao abu parubahan iklim? Kutiko muko bumi samakin paneh saratoancaman bancano mangintai, langkah pamarentah diuji.
Konferensi Parubahan Iklim PBB ka-31 atau COP31 nan Berlangsung pado tanggal 9 inggo 20 November 2026 di Antalya, Turki, mambao carito pantiang tantang maso muko bumi. Hashim mangungkapkan babagai langkah jo panytatoan pantiang nagari ko takaik isu global tasabuik, tamasuak pambahasan Rancangan Undang-Undang Parubahan Iklim nan manjadi tumpuan harok untuak masiang-masiang anak banso.
Dalam dunia nan samakin sakaik dekulah karusakan, masiang-masiang nagari mamiliki tanggung jawab moral nan indak bisa dimungkie. RUU Parubahan Iklim ko bukan hanyo sakadar Kertas Putiah nan batulihkan aturan, tapi manjadi dindiang panahan supayo kurenah manusiak indak mambuek bumi binaso. Pamarentah Indonesia barado di simpang jalan antaro manjago alam atau maagiah ruang untuak kapentingan saisuak. Kasadaran masyarakaik jo kawajiban pamarentah batamu pado satu titik: manyalamaikkan gumpalan tanah tampek bagantuang hiduik.
Persoalan iklim indak buliah dipandang sabagai angin lalu nan lewat baitu saja. Iko adolah karajo gadang nan mambutuhkan kaseriusan sarantak galah sarato sarangkuah dayuang dari sadoalah pihak. Hashim mambaliakkan paratian duniak baso nagari ko indak Tinggal diam dalam manghadapi ancaman global.
Durian runtuh indak kan tibo jikok batangnyo indak dipaliaro.
Basamo manuruik alua jo patut,
Alam dijago jo sepenuh harto,
Agar anak kamanakan indak seso."