"Tangan mancancang, bahu mamikue."
Apokah hukuang mati di nagari urang tu cukuik mambao tarang ka hati keluarga kurban nan tabakar amarah, atau hanyo sakadar bayang-bayang keadilan nan datang lambek satangah mati?
Kutiko hari barubah kalam dan timbak an mambabi buta mangoyak katenangan umaik nan sadang basujud, dunio tabulalak mandanga kaba duka nan datang daripado tanah Yordania. Tigo urang lak-laki kini ko harus basiap manarimo hukuang palinf ujuang, manangguik ganjaran setimpal ateh pabuatan keji nan alah maruntuangkan nyawa sambilan urang manusia indak basalahan di dalam sabuah garaja Ortodoks Yunani.
Kajadian nan mampasingkek umue sambilan urang kurban tu maninggakanbekas luko nan indak kunjung kariang di tangah-tangah masyarakaik. Pamarentah jo aparat penegak hukum di sano indak tingga diam;proses paradilan bajalan mambongkar kurenah jahat nan alah mamadiahkan Hati banyak pihak. Dek karano bukti-bukti alah jaleh tabapangang di mato hukum, mahkamah indak ragu-ragu mambatuihan kaputusan pangkas nyawa malalui vonis mati kapado tigo urang pambunuah tasabuik.
Bagitu pulo, di dalam kahidupan sahari-hari, apo nan ditanam mako itulah nan di tuai. Hukuang di dunio ko manjadi cerminan pado hukuang nan Maha Kuaso, baso sia nan mambunuah jo sanjato, mako nyawanyo pulo taruhan nan harus dibayia. Indak ado tampek balinduang bagi pambantai nan mambuek rusuah di bumi.
Kokik buruang di tangah rimbo,
Tabang singgah ka batang jati,
Nyawa dibayia jo nyawa tigo,
Hukum tègak keadilan menanti.