"Cewang di langik tando ka paneh, gabak di ulu tando ka ujan."
Apokah namo nan mambantuak nasib seseorang, atau hanyo sakadar Katuah urang tuo nan mambao barakah? Pertanyaan iko nan manggoda pikeran ketiko caliak kenyataan hiduik.
Dalam dunia nan penuah jo misteri, ado carito unik nan mambuek tabulalak. Konon kabarnyo, ado sajumlah urang nan punyo karajo indak jauah dari arti namo inyo surang. Barito iko mambuka mata masiang-masiang masiang untuak mancaliak baso sabuah namo bukan hanyo panggilan, tapi sabuah doa nan mambao arah hiduik sarantak jo takdir.
Urang tuo daolu picayo baso mamilih namountuak anak indak buliah sambarang. Kato-kato nan tabik dari muluik mandeh jo ayah adolah harok nan penuah arti. Kutiko inyo mikaia namo, disitu ado pamenan batin supayo si anak mampunyoi kurenah nan elok sarato nasib nan mujua. Dan kini, buktinyonyo dapek dicaliak langsuang di tangah-tangah masyarakaik kito.
Walaupun baitu, sabagai urang nan barakal, kito musti ingek baso karajo kareh jo usaha adolah kuncinyo. Namo hanyo panyemangat, tapi tangan nan mancancang jo bahu nan mamikue ttp manjadi tanggung jawab masiang-masiang. Jangan pulo hanyo basandaran ka namo nan elok, tapi karajo mungkie jo indak basmangat. Hiduik ko butuh Perjuangan nan nyata, indak hanyo mengandalkan hoki semata.
Jikok dibaliak ka pangkalnyo, fenomena iko mambuktikan baso doa-doa urang tuo sato manantuan jalannyo rezeki. Indak ado nan kabisat di dunia iko jikok Tuhan indak mengizinkannyo. Manusia hanyo menjalani, sadangkan sagalo urusan alah diatur elok-elok di sisi-Nya.
Pucuak dicinto ulam tibo,
Anak dipangku jo kasiah sayang,
Namo adolah doa nan mambaok ibo,
Asal karajo sungguahlah pantang.