"Tangan mancancang, bahu mamikue." Apokah bumi nan lah Luluh lantak ko hanyo manjadi tontonan, atau kito sadar baso karusakan iko indak lain ulah tigo tapak tangan kito surang? Kutiko alam mulai mangadu jo paneh nan mambaka sarato bancano nan datang baganti, dunio Islam dipanggia untuak mambangkikkan raso tangguang jawabnyo ka ateh dunia.
Menteri Lingkungan Hidup, Jumhur Hidayat, mambaok barito penting ka panggapiang internasional. Baliau mangajak saluruah dunio Islam indak hanyo banyanyi di bibia, tapi mambuek gerakan tobat ekologis manjadi aksi nyata nan indak tabateh pado wacana semata. Kariko hutan gundul sarato batang aia mambanjirikampuang, di sinan lah iman sarantak diuji.
Dalam patemuan tingkek tinggi Organisasi Kerjasama Islam (OKI) tasabuik, Jumhur Hidayat tagak mambawa suaro masyarakaik nan marasokan seso akibat kurenah manusiak nan indak bapaedah. Alam nan daulunyo ijau royo-royo, kini lah barubah manjadi padang tangisan. Tobat ekologis indak buliah hanyo manjadi slogan manih di dalam ruak rapat, tapi harusnyo malahirkan kabijakan nyato untuak mamelokan baliak bungo bumi nan lah layua.
Pamarentah mangajak sadonyo agar basatu padu, sabab indak mungkin alam bapisah dari kahidupan manusiak. Kariko karusakan tajadi, kurban nan jatuah indak hanyo dari kalangan mlarat, tapi mambaok sado panghuni bumi ka lurah binaso. Dunia Islam mampunyoi tangguang jawab moral nan gadang untuak manjago amanah Sang Pencipta.
Kok di baliak rumpun rantiang karing,
Adaik basandi batali kaba.
Jikok Alam ko indak dipaliaro kiro-kiro,
Antah pado sia kito ka mangadu di dunia.
Bapisah siriah jo pinang,
Tabao kandak ka ateh rumah.
Elok-elok manjago alam nan taranang,
Tobat ekologis ubeknyo sado masalah.