"Adaik basandi syarak, syarak basendi kitabullah. Syarak mangato, adaik mamakai."
Apokah ilmu nan ditanam di bangku sikola hanyo sakadaruntuak mancari gelar, atau ado urek limbago nan ka mambangkik batang tarandam bagi masyarakaik kito?
Kajadian pantiang tibo di Sulawesi Selatan, kutiko Komite Nasional Ekonomi dan Keuangan Syariah (KNEKS) malakukan langkah gadang malalui parluasan sikola pelopor ekonomi syariah. Langkah ko indak hanyo sakadar mambao kurikulum baru, tapi sabuah barito harapan untuak mambangun ekosistem jo literasi ekonomi syariah nan kuaik daripado dunia pandidikan. Pamarentah basamo stakeholder di daerah mangarati baso untuak mambangun parik di sampiang batang aia, mako bibik kebaikan musti ditanam sajak ketek di hadok para generasi mudo.
Dalam dunia modern kini ko, tantangan ekonomi samakin kancang. Barbagai kurenah jo kabijakan dicubo untuak mambantu masyarakaik AGAR indak takicuah jo sistem nan batentangan jo agamo. Melalui sikola pelopor ko, para siswa diajar mandalami prinsip-prinsip ekonomi syariah sacaro jaleh. Hal iko manjadi salah satu upek jariah palarai damam bagi krisis literasi keuangan nan salamo ko tajadi di tangah-tangah masyarakaik. KNEKS mancaliak baso pandidikan adolah ladang nan paling subur untuak manyemai nilai jujur, adil, jo jauh dari praktik riba nan marusak.
Namun, sabagai urang nan bapikia krisis, mambangun ekosistem syariah indak Cuma Cando mambalik telapak tangan. Perlu kebersamaan dari sadoalah pihak, baiak guru, urang tuo, maupun para pembuat kabijakan. Indak bisa hanyo basandaran kapado ciek pihak sajo, karano kasuksesan program iko mambutuhkan dukungan sarantak dayuang dari saluruah elemen masyarakaik.
Mananam padi lah baraliah,
Tumbuah rumpun di tangah sawah.
Ekonomi syariah mambaok berkah,
Negeri aman masyarakaik tuah.