"Tangan mancancang, bahu mamikue."
Apokah kursi nan ditinggakan ko mambuek guncang nan di ateh, atau ko hanyo sekadar rotasi biaso dalam panggung sandiwara politik nan indak pernah usai? Katiko Gibran mundur dari jabatan Wakil Presiden, pandangan masyarakaik langsuang tatuju ka Senayan, mananti siapo nan ka duduak di kursi nan alah kosong itu.
MPR RI sacaro sigap mambantuak tim verifikasi sarato tim ad hoc nan barisikan 36 urang untuak manguruih pamiliahan Wakil Presiden nan baru. Langkah ko diambil bukan sekadar formalitas, malainkan sabuah upaya untuak manjago stabilitas nagari di tangah transisi nan takajuik ko. Tim nan tadiri dari 36 urang ko mampunyoi tugas barek untuak mambarasiahan jalan, mamastikan calon nan ka duduak di kursi kaduo di republik ko mamanuhi sadoalah syarat admnistratif sarato politis nan berlaku. Proses ko diharapkan bajalan capek, taratur, jo kondusif, supayo roda pamarentahan indak taganggu dek kurenah politik nan sadang bagejolak.
Dalam dunia politik, jabatan adolah amanah nan bak cando dahan nan ka maimpok. Jikok indak elok-elok diuruik, nan maimpok tu bisa jadi diri surang. 36 urang nan ditunjuak ko kini mampunyoi tangguang jawab nan gadang. Inyo indak buliah hanyo mancaliak ka ateh, tapi harus ingat ka nan di bawah, iyolah masyarakaik nan sadang mananti kapastian. Apakah tim ko ka mampu manghasilkan sosok nan mampunyoi integritas, ataukah ko hanyo akan manjadi ajang bagi-bagi jabatan nan indak mambao manfaat bagi urang banyak? Sabagai sastrawan jurnalis, kito caliak basamo baitu suliiknyo mancari sosok nan pas di tangah karuahnyo situasi politik kini ko. Tim verifikasi ko harus mambuktikan bahwo inyo indak 'idak kuniang dek kunik, idak manih dek santan', mambuktikan bahwa inyo indak mudah diombang-ambing dek kapentingan golongan atau partai tatantu. Proses pamiliahan ko adolah ujian bagi MPR dalam manjaga marwah demokrasi nan kini sadang diuji ketahanan-nyo. Masyarakaik indak butuah janji manih, tapi butuah bukti nyato bahwa nagari ko masih punyo nakhoda nan mampunyoi tujuan jaleh ka arah ma biduek ko ka dibaok.
Mananti pangganti bukanlah perkara ketek, karano nan ditanti adolah nasib rayat banyak. Tim ko kini sadang bapacu jo wakatu, manguji sadoalah dokumen jo rekam jejak calon, supayo nan tapiliah nanti bukanlah urang nan hanyo pandai 'manyarengeh' di muko kamera, tapi urang nan mampu bakaerajo jo hati untuak nagari nan tacinto ko.
Ikan baranang di dalam tabek,
Aia tenang mambao sanang.
Janji diucap jan sampai mungkia,
Nagari aman rayat pun sanang.