"Baringin di tangah koto, ureknyo tampek baselo. Batangnyo tampek basanda, daunnyo tampek balinduang."
ApokahSurya Paloh nyo nyio mambana sarato maagieh umbuak umbai ka Presiden Prabowo Subianto? Atau iko pakaro kasiek nan batingkah di tapi pantai kekuasaan?
Kutiko matohari mamanasi bumi nagari, gariak politik indak pernah baranti bagarak sacaro sanyap. Di tangah barito nan manggoyang panggung istana, Surya Paloh, Katua Umum Partai NasDem, mambuka suaro jo mamiluan Prabowo Subianto supayo mamperkuat konsolidasi jo langkah nan tapek. Dalam pandangan nan dalam, Paloh indak hanyo mangganggam janji untuak duduak samo randah, tagak samo tenggih, tapi juo mamberikan sinyal padek baso NasDem sarantak galah jo sarangkuah dayuang basamo pamarentah nan tangah Berjaya.
Pang Pado maso kini, manuruik barito nan mambayang di lapeh mato, NasDem tagak indak basisia. Paloh manyatoan padek baso partai nan dipimpinnyo bamerenggang di barisan ddepan untuak manyukseskan langkah pamarentah. Indak adoLagi ragu-ragu di dalam dada, karano sadoalahnyo alah dipusekkan untuak kapentingan masyarakaik banyak.
Namun, politik indaklah Salulu luruah sarupo batang bambu. Ado ereang jo gendeang nan harus diikuik, ado kieh kato nan harus sampai. Paloh maingaikkan baso kakuatan sabuah nagari tagantuang pado baa caro pamimpinnyo maminpin konsolidasi jo indak mambuliahan kapa oleng dek galombang nan kencang.
Kritisi jurnalisme manunjuakkan baso apo nan dimintak dek Paloh marupokan sabuah sinyal baso kakuatan politik musti bajalan baaleh tapak jo bababan basingguluang. Pamarentah indak buliah bajalan surang diri di tangah padang Data, karano sadoalah komanakan jo mamak di nagari iko butuh kepastian arah.
Angek galombang indak ka suruik,
Saratuih sauah dibuang jauh,
Kalau basamo manjago bukik,
Nagari aman sapanjang jaoh.