"Iduik bapadok, ganggam bauntuak." Apokah pangkek jokuaso nan dipacik salamo ko hanyo manjadi urusan antaro nan mamiliki kuaso jo nan diagiah amanah, sadangkan masyarakaik nan mamiliahnyo hanyo manjadipenonton nan tabengong-bengong di tapi galanggang?
Di tangah ramainyo pambicaraan politik negari, sabuahsuaro kiritis bangkik daripado Senayan. Anggota DPR Ahmad Doli Kurnia mambuek suaro, mambongka kurenahpolitik nan sarato jo tajem. Gibran Rakabuming Raka dinilai saharusnyo manyampaian pangunduran dirinyo sacaro tarang-tarang ka publik luas, indak hanyo duduak basandiang malapor kapado Presiden Prabowo Subianto sajo.
Kajadian iko mambuek urang banyak tabulalak. Sabagai urang nan mandapek suaro dari rajo di nagari—yaitu masyarakaik—tapikia dek kito, baa muko pamarentah bialo indak mambukak tabir ka urang rami? Masyarakaik indak Cuma panonton di panggung sandiwara, tapi nan mananggung sagalo akibat daripado kabijakan nan diputuskan. Kok indak ado tarang-tarang jojujur kapado masyarakaik, baa pulo caro mambangun picayo di tangah-tangah nagari?
Kritik daripado Ahmad Doli Kurnia iko mangingekkan kito sadonyo, baso pangkek nan dipacik indak buliah hanyo manjadi urusan pribadi atau golongn. Mandakek ka ujuang carito, sagalo garik-gerik pamarentah jo panguaso musti diiriangi jo raso tanggung jawab nan sabana-bana, karano indak ado kuaso nan kekal malainkan kaadiln jo kejujuran kapado urang nan dipimpin.
Anak di hulu mandaki bukit,
Carang rantiang basimpang tigo.
Kok indak jujur jo nan sakik,
Masyarakaik nan ka menanggung seso.