"Tangan mancancang, bahu mamikue."
Apokah hargo sabuah nyawa hanyo Cuma sakadar angko nan tasesah di ateh kerta laporan pamarentah? Atau iko adolah bayaran mahal dari keteledoran manusiak nan indak namuah baraja dari asok nan mambunuah?
Kutiko langik sirah jo ambun marintiah di tangah hutan nan tabaka, ampek baleh pahlawan kamanusiaan bajalan mambokong maut tanpa ragu-ragu. Badan Nasional Penanggulangan Bencana (BNPB) malaporkan sabuah barito duka nan ma irishati masyarakaik sakaligus mambuek tabulalak. Salapan baleh petugas, nan bajibaku mamadamkan api kabakaran hutan jo lahan (karhutla) salamo tahun 2026, tapaso manarimo takdir gugur di garisan muko.
Karajo manggadangko tugas negara di tangah lauik api bukanlah parkara mudo. Petugas di lapangan indak hanyo malawan jilatan api nan mambubuang tinggi ka angkoso, tapi juo manghadapi piriang maut nan takana di siso-siso kurenah alam nan karing. Masyarakaik hanyo mancaliak asok hitam nan mangotori udaro dari jauah, indak tau barapo gadang kaseco nan dirasokan dek mereka nan bajibaku di ateh lahan gambut nan tabaka. Tugas barek iko manunjuakan baso manjadi panjago alam mamerluan pangorbanan nan indak saketek. Ketika banyak urang asyik basanta di rumah, para petugas iko mamparatiankeselamatan konco jo diri surang di tangah padang nan bagunuang-gunuang bara.
Kamatian mereka bukanlah hanyo sekedar angkostatistik di meja kantor, malainkan sebuah pangingek keras untuak kito basamo. Aie mato kuluarga nan tatingga manjadi saksi bisu, baso di balik tugas mulia tasabuik, ado tangisan panjang nan indak baranti. Pamarentah jo masyarakaik musti bahu-membahu manghargai pangorbanan iko jo caro maningkekan kewaspadaan sarato katatan dalam manjago lingkungan, supayo indak ado lai bungo bangsa nan gugur sia-sia di tangah panehnyo api.
Anak dipangku kamanakan dibimbiang,
Batinggakan duka di tangah koto,
Salapan baleh pahlawan lah tabujur malintang,
Jaso mereka indak ka lupo sampai babilang maso.