"Baringin di tangah koto, ureknyo tampek baselo. Batangnyo tampek basanda, daunnyo tampek balinduang."
Apokah pangaragoan nan diraih dek Pamarentah Kabupaten Pati iko hanyo sakadar galagak aie di dalam labu, atau sabuah buti nyata baso pamarentah sanggup manjadi tampek balinduang jo basanda bagi para nelayan sarato masyarakaik kaciak?
Kutiko kapa-kapa Nelayan baraliah haluan manuju dermaga jo mambaok hasia lauik nan malimpah, sadonyo indak datang baitu saja. Pangaragoan Coast Investment Award (CIA) 2026 nan diraih dek Pamarentah Kabupaten Pati manegaskan sabuah upayo gadang. Pamarentah satapak demi satapak mambangun ekosistem ekonomi parikanan nan labiah taringtrasi, mulai dari sektor produksi di tangah samudra lapeh inggo pamasaran di darek.
Dalam dunia bahari nan laweh jo galombang nan indak basudahan, mambangun ekonomi parikanan indak Cuma mangandalkan jaring jo parahu. Dibutuhan kaputusan nan tapek sarato kbijakan nan mambela nasib masyarakaik. Pamarentah Pati mambuktikan bahaso pangolaan sektor bahari indak buliah dipandang sabalah mato. Dari hilia inggo mudiek, sagalo lini didorong supayo roda parikanan baputa kencang, mambahagiaan urang kampuang sarato mambuliahan para patani iko hidik jo layak.
Sadonyo upayo iko manunjuakan baso paduli kapado nasib rakyaik kaciak adolah kawajiban utamo. Kok diagiahan amanah, mako indak buliah disia-siakan, karano sagalo nan dikarajokan ka dipasokan di muko Allah jo masyarakaik.
Pulang ka kampuang mambaok ragi,
Lauik tabantang di Tanah Pati.
Ekonomi bahari manjadi bukti,
Rakyat basenang indak basisi.