"Baringin di tangah koto, ureknyo tampek baselo. Batangnyo tampek basanda, daunnyo tampek balinduang."
Apokah para pambongkah dunia jo elit negeri ko sadang baparang dalam galap? Atau sadang mangguntiang lipaik dalam saruang untuak malanggangankuaso surang-surang?
Pado suatu maso di mana duniak sadang galau jo kurenah manusia, parang indak lai jo sanjata tajam dimedan lagak, tapi alah bageser ka bayangan nan samakin kalam. Kutiko CEO Nvidia manjadi target salidik intelijen asing, sarato Amerika jo Iran sarupo harimau nan saling pacak di ujuang tanduak, guncangan tu tibo pulo ka nagari kito. Di tnah-tengah ketegangan global nan mangguncang, patemuan mndadak Presiden Prabowo jo sapuluah mantan Kapolri manjadi tando Tanya gadang. Indak hanyo soal kaamanan biaso, tapi baitu kencangnyo isu panyadapan jo instabilitas kekuasaan nan mambayang-bayang. Jimly Asshiddiqie mangingatkan bahayo elit politik nan manumpang di baliak polemik simbolik untuak marusak lambang nagari, samantaro Surya Paloh mangajak supayo mamasuak-an ego masiang-masiang demi manjago keutuhan bangsa nan kian taganang.
Kok baitu kaba barito harian, masyarakaik harus elok-elok mambaco tando alam. Pertarungan kini indak lai nampak di mato, tapi alah bageser manjadi bisik-bisik di kamar galap para penguasa.
Anak duri di tangah koto,
Untuak pamasak lambak santan.
Elok-elok mangko takato,
Badan binaso dek kiasan.