"Ka ilie sarantak galah, ka mudiek sarangkuah dayuang."
Apokah nagari-nagari di benua Biru tu nyo basatu dalam satu suaro, atau iko hanyo carito tontang masiang-masing mncari salamaik di tangah barapi-rapi parang nan alun kunjung padam?
Kutiko bayang-bayang sanjata masiah mangancam, kabar Pantiang tibo dari belahan dunia lain. Parundingan antaro nagari Rusia jo Ukraina dijadwalkan pado Hari Salasa jo Rabu pakan muko. Tempat nan dipiliah adolah Abu Dhabi, sabuah tanah nan tanang di tangah gurun, jauah dari desing paluru tapi dakek jo kapentingan bosegh dunia. Nan mancubo mambuek urang tabulalak adolah panyatoan dari pihak Prancis. Nagari Menara Eifel tu mambaok kaba baso Eropa bakal hadir dalam meja parundingan tasabuik, indak bajalan surang diri, malainkan diwakili sacaro langsuang dek Paris.
Kajadian iko manjadi tinjauan pantiang bagi masyarakaik internasional. Selamo iko, kurenah urang-urang Eropa jo kawan-kawannyo indak pernahia sapandapek dalam manghadapi krisis Timur jo Barat. Masiang-masiang mamiliki kapentingan ekonomi, palindungan energi, jo gensi politik nan indak amuah mangalah. Namun, katiko Parancis mangaku baso Eropa ka duduak di Abu Dhabi mawakili kasadonyo, patonyo manjadi batambah rumik. Apakah wakil nan ditunjuak buek mambaok panggiliang damai nan sasuai jo raso adia, atau hanyo mambaok angin lalu untuak mamanuhi selera salompok elite sajo?
Karano itu, bajalan baaleh tapak jo bababan basingguluang manjadi kuncinyo. Pamarentah di Eropa indak bisa lai basikap asal bapak sanang atau manyarengeh di balakang layar. Dunia sadang caliak jo danga apo nan bakato di Abu Dhabi pakan muko. Kapan pun mambuek kaputusan, ingek baso tangan mancancang, bahu mamikue. Sia nan mambuek Ulah, inyo pulo nan ka manarimo akibatnyo di muko sijarah.
Anak dipangku kamanakan dibimbiang,
Urang kampuang dipatenggangkan,
Jikok runding indak tasampaik,
Karusakan dunia nan ka batamu kudian.