"Malang sakijok mato, mujue sapanjang ari."
Apokah dunia alah buto jo tuli mancaliak dwinaro darah nan mangalir di tanah Palestin, sahinggo ratok tangih anak ketek dianggap angin lalu sajo dek para panguaso dunia?
Kajadian nan mnyayat hati taruih balaku di Jalur Gaza. Dek ulah kurenah sanjata barapi nan dipalepaskan dek tentara Israel sajak taun 2023, korban jiwa maningga dunia taruih melonjak tajam hinggo kini manembus angko 74.640 jiwa. Angko iko indaklah hanyo sakadar Angko statistik di ateh kerta, malahan mawakili ribuan nyawa manusia, anak-anak, jo urang gaek nan manjadi kurban.
Kutiko kaba barito iko diturunkan, penderitaan masyarakaik di sana indak kunjung suruik. Walaupun disabuikkan ado gencatan sanjata nan dimulai pado tanggal 10 Oktober 2026,kenyataannyo kanyataan pahit tatap dirasoan. Korban tewas bahkan tasingkok taruih batambah labiah daripado 1600 jiwa sajak wakatu tu. Pamarentah jo lembagakemanusiaan Internasional disabuik-sabuik indak Kuaso manghadang kejamnyo kurenah parang nan maamuak tanpa kasihan.
Saban ari, ambun pagi di Gaza basandiang jo asok tabakakan meriam. Rumah-rumahrato manjadi tanah, jo padusi-padusi sato marabiek manangih kahilangan anak jo suami nan dicinto. Kasiah sayang nan saharusnyo dipaliaro di dalam keluarga, hancur berkeping-keping dek hantaman bom nan indak mamiliah bulu.
Dunia internasional tabulalak, namun hanyo mampu mangeluh jo maagiah kecaman tanpa aksi nyata nan maubah keadaan. Ironis memang, ditengah kamajuan zaman, hukum rimba tampek nan kuaik mangko nan manang tagak balaku jo sampurna di tanah Gaza.
Kok rantiang patah dek diangok, badan taseso dek parang.
Kapan derita iko ka baranti, mananti keadilan nan tak kunjung datang.
Bumi Palestin hancur lebur tanpa bayang,
Semoga Tuhan mambahiakkan surga bagi nan berpulang.